ئۇيغۇرچە رەسىملىك يېزىقنى تونۇش تېخنىكىسىدىكى يېڭى نەتىجە

 weiwuer02.jpg

ئۇزدىل تورى خەۋىرى:

يېقىنقى بىر قانچە يىلدا رەسىم ھالەتتىكى يېزىقنى تونۇپ تېكىست ھالەتكە ئەكېلىش سېستىمىسى OCR (ئوپتىكىلىق ھەرپ-بەلگە تونۇش سېستىمىسى) نىڭ ئۇيغۇرچە يېزىقنى تونۇش جەھەتتىكى نەتىجىلىرى ھەقىقەتەن بىزنى خۇشال قىلىدۇ. بۇنىڭغا ماس ھالدا ئۇيغۇرچە ئاۋازلىق كىرگۈزگۈچ، جۈملە تەرجىمان قاتارلىق سېستىمىلارمۇ بىزگە نۇرغۇنلىغان قولايلىقلارنى ئېلىپ كەلدى. بولۇپمۇ خەنزۇچە-ئۇيغۇرچە يېزىق ۋە تىل ئالاقىسىدە نۇرغۇنلىغان توسقۇنلۇقلار سۈپۈرۈپ تاشلاندى.

ئالپ تورىنىڭ 2018-يىلى 26-يانۋارلىق يازمىسىدا «يېقىندا لىڭيۈن OCR تېخنىكىسى يەنە بىر قېتىم دەرىجىسىنى كۆتۈرۈپ، ئەسىلدىكى خەنزۇچە، ئېنگىلىزچە، ياپونچە، كورىيانچە، فىرانسۇزچە قاتارلىق ئون نەچچە يېزىقنى تونۇش ئاساسىدا يەنە ئۇيغۇرچە، زاڭزۇچە قاتارلىق بىر قانچە تىلدىكى باسما يېزىقنى تونۇش ئىقتىدارىنى قوشۇپ، ئۇيغۇر، زاڭزۇ قاتارلىق ئاز سانلىق مىللەتلەرنىڭ كەسىپ تەرەققىياتىغا زور دەرىجىدە ياردەم بەردى. جىيې توڭ خۇا شېڭ (捷通华声) شىركىتى ئىلغار بولغان لىڭيۈن سۈنئىي ئەقلىي ئىقتىدار تېخنىكىسى ئارقىلىق ئاز سانلىق مىللەتلەر تىلىنى تەتقىق قىلىپ ۋە قوللىنىپ، مىللەتلەر ئىتتپاقلىقىنى تېخىمۇ ياخشى ئىلگىرى سۈرۈپ، ئاز سانلىق مىللەتلەرنىڭ كەسىپ تەرەققىياتىغا تۈرتكە بولدى. مىللىي تىل يېزىقنى تونۇشتىن باشقا يەنە، لىڭيۈن AIcloud.com سۇپىسىغا بىر قىسىم مىللىي تىلدىكى AI تېخنىكىسىنى چىقاردى.» دەپ كۆرسەتتى.

124815ly1h66bkfiylcfbk.gif

جىيې توڭ خۇا شېڭنىڭ ئورگان تەرەپ سالونىنىڭ ئۇچۇرىغا ئاساسلانغاندا، ئۆتكەن يىل 9-ئايدا  جىيې توڭ خۇا شېڭ بىلەن چىڭخۇا ئونۋېرستېتى ھەمكارلىشىپ، ئەڭ يېڭى ماشنا ئۆگىنىش ئالگورزىمىنى ئىشلىتىپ، چوڭقۇرلاپ ئۆگىنىشنى توپلاشتۇرۇپ مەشقلەندۈرۈپ، ئەڭ يېڭى لىڭيۈن تېكىست ماتورى iRead 7.0 Text نى بازارغا سالغان. بۇ يېڭى بىر ئەۋلاد لىڭيۈن OCR تېخنىكىسىنىڭ توغرىلىق نىسبىتى %99.99 گە يېتىپ، دۇنيانىڭ ئەڭ يۇقىرى سەۋىيىسىگە چىقتى. يېڭى بىر ئەۋلاد لىڭيۈن OCR تېخنىكىسى خەنزۇچە، ئۇيغۇرچە، زاڭزۇچە، ئېنگىلىزچە، فىرانسۇزچە، ياپونچە، كورىيەچە، گېرمانچە، ئىسپانچە قاتارلىق نەچچە ئون خىل يېزىقنى تونۇيدۇ ھەمدە تونۇماقچى بولغان يېزىقنىڭ «بەك سۈزۈك» بولۇشنى تەلەپ قىلمايدۇ. يېزىق يانتۇ ياكى تۇتۇقرارق بولسىمۇ تونۇۋېرىدۇ.
يېڭى بىر ئەۋلاد لىڭيۈن OCR تېخنىكىسى ئۇيغۇر، زاڭزۇ يېزىقىنى تونۇش جەھەتتە ئاز سانلىق مىللەت كارخانلىرىغا تېخىمۇ قولاي، تېخىمۇ ئىلغار مۇلازىمەت بىلەن تەمىنلەپ، ئىشخانا ئىشلىرىنى تېخىمۇ ئەقلىي ئىقتىدارلاشتۇرىدۇ. ئورگان، كەسپى ئورۇنلارنىڭ ئاز سانلىق مىللەت يېزىقىدىكى دوكمېنت، ھۆججەتلىرىنى تونۇش جەھەتتە قولايلىق ئېلىپ كېلىش بىرگە يەنە، ئۇيغۇرچە، زاڭزۇچە كىتاپ-ماتېرىياللىرىنى ئېلېكترونلۇق شەكىلگە تېز سۈرئەتتە ئايلاندۇرۇپ، مەدەنىيەت ئىشلىرىنىڭ تەرەققىياتىغا زور تۈرتكە بولىدۇ.

 جىيې توڭ خۇا شېڭ شىركىتى چىڭخۇا ئونۋېرسىتى، جۇڭگو مىللەتلەر تەرجىمە ئىدارىسى بىلەن تەتقىقات جەھەتتە داۋاملىق ھەمكارلىشىپ، مىللەتلەرنىڭ ئالاقىسى، رايون ئىقتىسادىي تەرەققىياتىنى تېخىمۇ ئەلا سۈپەتلىك سۈنئىي ئەقلىي ئىقتىدار تېخنىكىسى ۋە مۇلازىمەت بىلەن تەمىنلەيدۇ .

مۇناسىۋەتلىك يازمىلار

باھا يوللاش

سەيياھ ئىپادە
Ctrl+Enter تېز يوللاش

باھا (1)

قانداق چۈشۈردىكەنمىز
QQ账号错误 1 ئاي بۇرۇن (2018-04-12) جاۋاب